सिन्धुपाल्चोकको मेलम्ची नगरपालिकाका एक प्रेमी जोडीले आफ्नो यौनसम्बन्धको कुरा प्रहरीमा पुगेपछि एउटै डोरीमा झुण्डिएर आत्महत्या गरेका छन् ।
रुखको बीचभागमा एउटै डोरी र एकै पट्टी फर्किएर झुण्डिएको अवस्थामा मृत भेटिएका छन् ।
यसरी मृत फेला पर्नेमा जाजरकोट छेडागाड नगरपालिका -१३ कार्कीगाउँका २३ वर्षका चन्द्रसिंह ठकुरी र मेलम्ची नगरपालिका तालामारङकी १५ वर्षकी फुलमाया तामाङ रहेको प्रहरीले जनाएको छ ।
ठकुरी ७ महिनाअघि जाजरकोटबाट सिन्धुपाल्चोकको मेलम्ची नगरपालिका माने भञ्ज्याङमा घर निर्माणको काम गर्न आएका थिए ।
भदौ ७ गते गाउँबाट दुई युवक र दुई युवती हराएका थिए । केटीका आफन्तले प्रहरी कार्यालयमा उजुर गरेपछि खोजी गर्दा एक युवक र युवती पक्राउ परेको जिल्ला प्रहरी कार्यालय सिन्धुपाल्चोकका प्रहरी प्रमुख एसपी मुकुन्द मरासिनीले जानकारी दिए ।
पक्राउ परेका जोडीले सहमतिमा नै शारीरिक सम्बन्ध राखेको दुवैले स्विकारे पनि युवतीको उमेर १३ वर्षको मात्रै भएकाले प्रहरीले जबरजस्ती करणी अन्तर्गत मुद्दा चलाएर अनुसन्धान प्रक्रिया सुरु गरेको थियो ।
घटना बारे थप अनुशान्धन सुरु भइरहेको सिन्धुपाल्चोकका प्रहरी प्रमुख मरासिनीले बताए ।
