चलचित्र ‘छक्का पञ्जा ३’को पहिलो गीत सार्वजनिक भएको छ । केही दिन अघि मात्र छायाङ्कन सकाइएको गीत सोमबार युट्युबमार्फत सार्वजनिक गरिएको हो । सार्वजनिक लोक लयमा रहेको गीतमा गायक डेभिड शङ्कर र बिन्दु परियारको स्वर रहेको छ । गीतमा शब्द राजेन्द्र थापाको रहेको छ भने सङ्गीत दीपक शर्माको रहेको छ । 
‘पहिलो नम्बर’मा बोलको सार्वजनिक गीतमा चलचित्रका कलाकारसाथै अघिल्लो छक्का पन्जा एक र दुईका कलाकारहरू समावेश छन् ।कविराज गहतराजको कोरियोग्राफी रहेको गीतको भिडियोमा दिपकराज गिरी, दीपिका प्रसाईं, दिपाश्री निरौला, प्रियंका कार्की, जितु नेपाल, केदार घिमिरे, बर्षा राउत, बुद्धि तामाङ, स्वस्तिमा खड्का, सुमन गिरी (भान्जा) र संजोग कोइराला नाचेका छन् ।
चलचित्र ‘छक्का पन्जा ३’लाई दिपाश्री निरौलाले निर्देशन गरेकी हुन् । चलचित्रमा कथा दिपकराज गिरीको रहेको छ भने संवाद दिपकराज गिरी, जितु नेपाल, केदार प्रसाद घिमिरे, यमन श्रेष्ठको रहेको छ ।
हेर्नुहोस् भिडियो:
https://youtu.be/sP5iikc2MW4
