चलचित्र ‘मेरी मामु’को पहिलो गीत सार्वजनिक भएको छ । ‘प्रेम गीत, प्रेम गीत २’ जस्ता सफल चलचित्र निर्माण गरेका सन्तोष सेनको लगानीमा बनेको चौथो चलचित्र मेरी मामुको शीर्ष गीत सार्वजनिक गरिएको हो ।
सार्वजनिक गीतमा कल्याण सिंहको सङ्गीत, रवि मल्लको शब्द रहेको छ भने स्वर रोहित जोन क्षेत्रीको रहेको छ । गीतमा चलचित्रका मुख्य कलाकार ७ वर्षीय बालक आयुव सेन फिचर छन् । आयुव निर्माता सन्तोष सेनका सुपुत्र हुन् । त्यस्तै भिडियोमा चलचित्रका नायक सारुक ताम्राकारको पनि अभिनय रहेको छ । सार्वजनिक गीतमा आमा र छोराको आत्मीयतालाई देखाउन खोजिएको छ । 
आशुसेन ब्यानरबाट बनेको चलचित्र ‘मेरी मामु’लाई यम थापाले निर्देशन गरेका हुन् । चलचित्र आयुब र सारुकको साथमा प्रेम गीत २ नायिका अश्लेषा ठकुरी, कुसुम गुरुङ, दुर्गा मल्ल लगायतका कलाकारको अभिनय रहेको छ ।
भदौ १५ गतेबाट देशैभर प्रदर्शनमा आउने फिल्मलाई पुरुषोत्तम प्रधान र मानकृष्ण महर्जनले खिचेका हुन् भने बनिश शाह र भुपेन्द्र अधिकारी यस फिल्मका सम्पादक हुन्।
हेर्नुहोस् गीत :
https://youtu.be/-0RS89XHMQk
