फिल्म ‘जय शम्भु’को ट्रेलर रिलिज भएको छ। युट्युबमार्फत सार्वजनिक गरिएको एक्सनप्रधान ट्रेलरमा फिल्मका मूख्य कलाकार अनुपविक्रम शाही र प्रशान्त ताम्रकारबीच द्वन्द्व देखाइएको छ। 
उनीहरु नायिका वर्षा सिवाकोटीका लागि लडिरहेका छन्। एक्सन लभ स्टोरी फिल्मलाई रूपेश तामाङले निर्देशन गरेका छन्। ‘जय शम्भु’मा अरवीन्द्रमान शाक्य निर्माता रहेका छन् भने चक्र पाख्रिन कार्यकारी निर्माता रहेका छन्। 
फिल्ममा कुशल शर्मा र शिक्षा काफ्लेको पनि लगानी रहेको छ। टंक बुढाथोकीको संगीत रहेको फिल्ममा रामजी लामिछानेको नृत्य, श्री श्रेष्ठको एक्सन, हरि घले लामाको छायांकन र बनीश शाहको सम्पादन रहेको छ। फिल्ममा रोशन महर्जन, करुणा पाण्डे, रश्मि भट्ट, वसन्त भट्ट, राजकुमार थापा, कालु रानाको पनि भूमिका रहेको छ।भाद्र १ गतेबाट प्रदर्शनमा आउने यस फिल्मका प्रस्तुतकर्ता दिनेश शाही हुन् ।
हेर्नुहोस् ट्रेलर :
