निर्देशक तथा कलाकार निश्चल बस्नेत र नायिका स्वस्तिमा खड्का अभिनित ‘नाच फिरिरि’ बोलको गीतको भिडियो सार्वजनिक भएको छ । बिभिन्न समयमा यो जोडी एक साथ चलचित्रको पर्दामा आउने कुराले चर्चा पाईरहेको हुन्छ । अन्तत यो जोडिले पहिलो पटक म्युजिक भिडियोमा एकसाथ काम गरेका छन् ।
गीतमा गायक महेश काफ्लेको आवाजमा रहेको ‘नाच फिरिरि..’ बोलको भिडियोमा निश्चल र स्वस्तिमा पहिलो पटक एकसाथ देखिएका हुन् । गीतमा शब्द तथा सङ्गीत गायक काफ्ले स्वयंमको हो । गतिको सङ्गीत संयोजन भने रिकेश गुरुङको रहेको छ । गीतमा महेशलाई गायिका मेलिना राईले साथ दिएकी छिन् । 
पोखरा आसपासका बिभिन्न स्थानमा छायांकन गरिएको भिडियोलाई निश्चल बस्नेत आफैले निर्देशन गरेका छन् । भिडियोमा निश्चल र स्वस्तिमाको साथमा क्रिस्टल क्लज डान्स क्रिउ फिचर भएका छन् । जिटुवान डिजिटलको आधिकारिक युट्युब च्यानलमार्फत गीत सार्बजनिक गरिएको हो ।
हेर्नुहोस् भिडियो:
