सडक डिभिजन कार्यालय रुपन्देही प्रमुख (डिभिजन इन्जिनियर) सुरेश ठाकुर ३६ लाख रुपैयाँ घुससहित पक्राउ परेका छन् । घुस रकम लिएर घर तर्फ जाँदै गर्दा उनकी श्रीमती समेत पक्राउ परेकि छिन् ।
अख्तियार दुरुपयोग अनुसन्धान अयोग बुटवल बाट खटिएको टोलीले ठाकुरलाई आज दिउँसो भैरहवाबाट पक्राउ गरेको अख्तियार दुरुपयोग अनुसन्धान आयोग बुटवलका प्रमुख दिनेश आचार्यले बताए ।
३६ लाख रकम मध्ये केही नगद बरामद भएको र केही पैसा बैंकमा जम्मा भइसकेको थियो । बैंकमा जम्मा भएको भौचरहरु पनि आयोगले बरामद गरेको छ । कुन सडकको रकम भने आचार्यले स्पष्ट खुलाएन् । आचार्यले भने, ‘घुसको रमक लिएर श्रीमती घर जाँदै गरेको सूचनाको आधारमा श्रीमान–श्रीमतीलाई प्रकाउ गरिएको हो । उनीहरुमाथि थप अनुसन्धान हुँदैछ ।’
अख्तियार दुरुपयोग अनुसन्धान अयोग बुटवलको समन्वयमा हैटौंडाबाट खटिएको अख्तियारको टोलीले पक्राउ गरेको हो । घुसको पैसा लिएर वीरगञ्जस्थित घरमा जाने क्रममा उनी बाटैबाट पक्राउ परेकी हुन् ।
सडक निर्माणको बिल भुक्तानीका लागि ठाकुरले ठेकदारसँग ठुलो रकम असुलेका हुन् । तेस्तै अख्तियार बुटवलको टोलीले आजै बिहान गुल्मीको सदरमुकाम तम्घासबाट पनि सब इन्जिनियर प्रकाश झालाई प्रकाउ गरेको छ ।
अख्तियारको बुटवलस्थित कार्यालयले टोली सिमलटारी प्यूठान सडक आयोजनाका सब इन्जिनियर प्रकाश झालाई एक लाख रुपैयाँ घुससहित तम्घासबाट प्रकाउ गरिएको प्रमुख आचार्यले बताए ।
प्रकाउ परेका सबै तीनै जना अख्तियारको नियन्त्रणमा रहेका छन् ।
