काठमाडौँबाट रुकुम तर्फ जाँदै गरेको यात्रुबाहक गाडी बाट खस्दा आज सल्यान श्रीनगरमा एक जना यात्रु घाइते भएका छन् ।
बिहान करिब ६ बजे तिर रुकुम तर्फ जाँदै गरेको प्रफी यातायात प्रा.लीको ना ५ ख ९४९३ को गाडीको ढोकाबाट खस्दा भरतपुर महानगरपालिका ४ कमलपोखरी चितवन निवासी अन्दाजी ३५ वार्षिया केशर बहादुर गौली घाइते भएको जिल्ला प्रहरी कार्यालय सल्यानले जानकारी दिएको छ ।
घाइते गौलिको कान्तिपुर सामुदायिक हस्पिटल श्रीनगरमा उपचार पछि थप उपचारका लागि चितवान रिफर गरिएको अस्पताल श्रोतले बताएको छ । घटना पछि बेहोस अवस्थामा रहेका गौलिको बाहिरी चोट नभए पनि टाउकोमा बल्ड जमेको सम्भावना रहेको कान्तिपुर सामुदायिक हस्पिटलका संचालक राम कृष्ण रेग्मीले जानकारी दिए ।
युएन डिपि सल्यानमा कार्यरत गौली गाडी बाट झर्ने क्रममा गाडी चालकको लापरबाहीका कारण उक्त घटना भएको हुन सक्ने प्रहरीको भनाई छ ।
