स्वतन्त्र विद्यार्थी युनियन पुल्चोक क्याम्पसद्वारा आयोजित उपकुलपति कप अन्तर त्रिवि क्रिकेट प्रतियोगिता अन्तर्गतको अन्तिम खेल आज आयोजक पुल्चोक क्याम्पस र नेपाल कमर्स क्याम्पस बिच सम्पन्न भएको छ | 
आजको खेलमा टस जितेर पहिले बलिंग रोजेको नेपाल कमर्स क्याम्पस विरुद्ध आयोजक पुल्चोक क्याम्पसले २० ओभरको समाप्तिमा ११९ रनको लक्ष दिएको थियो | पुल्चोक क्याम्पसकालागि पंकज कुमार दासले ४१ बलमा ५१ रनको योगदान दिएका थिए |
त्यस्तै गरि आयोजक पुल्चोक क्याम्पसलाई ११८ रनमा सिमित पार्न नेपाल कमर्स क्याम्पसका खेलाडी प्रकाश विष्टले ३ ओभरमा दश रन खर्चेर ३ विकेट लिए | ११९ रनको लक्ष पछ्याएको नेपाल कमर्स क्याम्पसले १५ ओभरको अन्तिम बलमा ५ विकेटले जित हात पारेको छ |
नेपाल कमर्स क्याम्पसका लागि सुरज बोहोराले ६७ रनको महत्वपुर्ण योगदान दिए | खेल समाप्ति पछि भएको पुरस्कार वितरण कार्यक्रममा प्रमुख अतिथिका रुपमा माननीय पुर्व गृह तथा उर्जा मन्त्रि जनार्दन शर्मा “प्रभाकर” र विशेष अतिथिका रुपमा अखिल (क्रान्तिकारी)का केन्द्रीय उपाध्यक्ष सुरेन्द्र बस्नेत र अनेरास्ववियुका केन्द्रीय सचिव सुदेश पराजुली उपस्थित हुनुहुन्थ्यो |
बैशाख २४ गते देखि सुरु भएको प्रतियोगितामा त्रिभुवन विश्वविध्यालय अन्तर्गतका २४ क्याम्पसहरुको सहभागिता रहेको थियो |
