एजेन्सी । भिटामिन डी एक फ्याटमा घुलनशील भिटामिन हो ।हामी यसलाई सनशाइन भिटामिन पनि भन्छौं, किनभने हाम्रो शरीरले सूर्यको किरणको सम्पर्कमा आएपछि आफैले भिटामिन डी पाउँदछौँ।
शरीरमा पाइने भिटामिन डीले हाम्रो शरीरलाई क्याल्सियम र फस्फोरस अवशोषित गर्न मद्दत गर्छ, जुन हड्डीको निर्माणका लागि आवश्यक हुन्छ। यसले मांसपेशी, मुटु, फोक्सो र मस्तिष्कको उचित कार्यमा मद्दत गर्छ।
भिटामिन डी को कमी के कारणले हुन्छ ?
हाम्रो शरीरलाई स्वस्थ रहन पर्याप्त भिटामिन नपाउँदा हाम्रो शरीरमा भिटामिन डीको कमी हुन्छ । ६५ वर्षभन्दा माथिका व्यक्तिहरू वा मोटोपन भएका व्यक्तिहरू यसबाहेक कालो रंग भएका व्यक्तिहरूमा पनि भिटामिन डीको कमी हुने सम्भावना बढी हुन्छ।यदि हाम्रो शरीरमा भिटामिन डीको धेरै कमी भयो भने, वयस्कहरूमा ओस्टियोपोरोसिस र बच्चाहरूमा रिकेट्सको जोखिम बढ्छ।
भिटामिन डी को कमी हुदाँ कस्तो लक्षण देखा पर्दछ ?
-ढाड र हड्डी दुखाइ
-छिटो घाउ निको नहुनु
-मूड स्विंगहरू
-कपाल झर्ने
-तपाईको रक्तचाप बढाउन सक्छ।
-पाचन सम्बन्धी समस्या हुन थाल्छ ।
-मांसपेशी दुखाइ
-बाँझोपनको समस्या
भिटामिन डी बाट के -के फाइदा पुग्दछ?
-भिटामिन डीको सही मात्राले हाम्रो रोग प्रतिरोधात्मक क्षमतालाई राम्रो बनाउँछ।
-यति मात्र होइन, भिटामिन डीले शरीरमा नसा र मांसपेशीको कामलाई नियन्त्रण गर्छ।
-यसले क्यान्सर लाग्ने खतरा कम गर्छ ।
-यसले गर्दा हाम्रो हड्डी, मांसपेशी र लिगामेन्ट बलियो हुन्छ।
-आजकाल बालबालिकामा भिटामिन डीको कमी देखिएको छ । यो मोवाइल र टिभीमा बढी समय बिताउनुको कारण हो। तपाईंले आफ्ना बच्चाहरूलाई घाममा समय बिताउन प्रोत्साहन गर्नुपर्छ।
भिटामिन डीले डिप्रेसन कम गर्छ
भिटामिन डी को स्रोत के के हुन्?
अण्डाको पहेंलो भाग, हरियो तरकारी,मूला,सुन्तलको रस,बन्दकोबी, कागती,टमाटर,टुना माछा,मक्खन,माछा, गाजर, सोया, च्याउ,गाईको दूध, दही खानुहोस्। र सबैभन्दा महत्त्वपूर्ण घाममा बस्नु हो। यसको लागि, बिहानको सूर्यको किरण उपयुक्त छ। यसले छाला रोगको जोखिम पनि कम गर्छ ।
