Logo

दुर्घटनाअघि यस्तो कुराकानी भएको थियो एयर ट्राफिक र पाइलटबीच (अडियोसहित)



बंगलादेशको यूएस बंगलाको विमान काठमाडौंमा त्रिभूवन विमानस्थलमा अवतरण गर्ने क्रममा दुर्घटनामा परेको छ । दुर्घटनामा परी विमानमा सवार ७१ मध्ये ४९ जनाको मृत्यु भएको छ भने २२ जना घाइते भएका छन् ।

घाइतेहरुको काठमाडौंका विभिन्न अस्पतालमा उपचार भइरहेको छ ।  महानगरिय प्रहरी आयुक्तको कार्यालय रानीपोखरीका अनुसार घाइते २२ जनाको काठमाडौंका विभिन्न अस्पतालमा उपचार भइरहेको छ ।

काठमाडौंमा दुर्घटनामा परेको बंगलादेशी विमानलाई चालकले उत्तरतिरबाट अवतरण गराएका थिए । अन्तर्राष्ट्रिय उडानका विमान प्रायः दक्षिणतर्फ अर्थात कोटेश्वरतिरबाट अवतरण गराउने भए पनि दुर्घटनामा परेको विमानलाई भने चालकले उत्तरपट्टि अर्थात जोरपाटीतर्फबाट अवतरण गराएका थिए ।‘एयर ट्राफिक कन्ट्रोलर एटिसीले विमानलाई दक्षिणबाटै अवतरण गराउन भने पनि चालकले उत्तरतिरबाट अवतरण गराउछु भने छन्’ विमानस्थलका महानिर्देशक राजकुमार क्षेत्रीले भन्नुभयो ‘त्यसपछि एटिसीले उत्तरतिरबाटै अवतरण गराउन अनुमति दिएको जानकारी पाएको छु ।’ कुराकानीमा पटक-पटक एयर ट्राफिकले गलत दिशाबाट अवतरण नगराउन पाइलटलाई सावधान गराएका छन् ।

विमान उत्तरतिरबाट अवतरण गरेकै कारणले दुर्घटनामा परेको भन्न नसकिने उहाँले स्पष्ट पार्नुभयो । ३३ नेपालीसहित ७१ जना सवार विमान अवतरणका क्रममा धावनमार्गबाट चिप्लिएर नजिकैको फुटबल मैदानमा पुगेर आगो लागेको थियो ।

https://youtu.be/l2CIxzmqgu4

प्रतिक्रिया दिनुहोस्