१८ भदाै, काठमाडाैँ । बलिउडका महानायकको उपमा पाएका अभिनेता अमिताभ बच्चन नेपाल आउने भएका छन् । उनी ‘उचाई’ फिल्मको छायांकनका लागि नेपाल आउन लागेको भारतीय मिडियाहरूले उल्लेख गरेका छन् ।
भारतीय मिडियामा उल्लेख भएअनुसार अमिताभ बच्चन करिब ४५ दिन नेपालमा नै बस्नेछन् ।
अमिताभ बच्चन सहित सोही फिल्ममा अभिनय गर्ने अनुपम खेर र बोमन इरानी पनि नेपाल आउने बताइएको छ ।
पारिवारिक कथा बनाउन माहिर मानिने सुरज बडजात्याले यो फिल्मको निर्देशन गर्ने छन् । यो फिल्म राजश्रीको व्यानरमा निर्माण हुनेछ ।
पछिल्ला समय नेपालमा पनि भारतीय फिल्महरूको छायाँकन हुने क्रम बढिरहेको छ ।
प्रतिक्रिया दिनुहोस्