३ फागुन, गुल्मी । नेपाली कांग्रेसले सोमबार गुल्मीमा प्रतिनिधिसभा विघटनका विरुद्ध विरोध प्रर्दशन गरेको छ । गुल्मी सदरमुकाम तम्घासमा आयोजित विरोध सभालाई कांग्रेसका केन्द्रीय सदस्य डाक्टर चन्द्र भण्डारी सहित जिल्ला तहका नेताले सम्बोधन गरेका थिए ।
केन्द्रीय सदस्य भण्डारी सहित जिल्ला तहका नेताहरुले नेकपा र सकारको चर्को आलोचना गरे । सिंगो कम्युनिष्ट आन्दोलन नै जनताको हितमा नभएको उनिहरुको दाबी थियो । झापा विद्रोह तथा तत्कालीन् माओवादीले गरेको जनयुद्धले सोझा जनता मात्रै मारिएको काग्रेंस नेताले दाबी गरेका छन् ।
त्यस्तै नेकपाको आन्तरिक कलहका कारण संसद विघटन गरेर नेकपाले ‘कु’ गरेको आरोप लगाए ।
केन्द्रीय सदस्य भण्डारीले पनि कांग्रेसले संविधान बनाए पनि जनताले विश्वास नगरेको गुनासो गरे ।
कम्युनिष्टहरुले समस्या सिर्जना गर्न सक्ने समाधान गर्ने नसक्ने तथा अराजकता फैलाउने र विकासको विरोधि भएको आरोप समेत उनले लगाए ।
खड्का सल्लेरी खबरका लुम्बिनी प्रदेश सम्बाददाता हुन् ।