Logo

नऔं राष्ट्रिय सिभिल इन्जिनियरिङ प्रदर्शनी माघ १५ गते देखि।



 

 

 

सिभिल इन्जिनियरिङ विद्यार्थी समाज सेस (नेपाल) ले सिभिल इन्जिनियरिङ विभाग, केन्द्रीय क्याम्पस पुल्चोकसँगको सहकार्यमा यहि माघ १५, १६ र १७ गते नऔं राष्ट्रिय सिभिल इन्जिनियरिङ प्रदर्शनी तथा प्रतियोगिता आयोजना गर्न लागेको छ ।
“समृद्ध राष्ट्रको पहिचान, आधुनिक भौतिक निर्माण”को मुल नारा सहित यस वर्षको प्रर्दशनी पनि केन्द्रीय क्याम्पस, पुल्चोकको प्राङ्गणमा सञ्चालन गर्न थालिएको हो । यस प्रदर्शनीमा विभिन्न विधामा सिभिल इन्जिनियरिङसँग सम्बन्धित सामग्री तथा नयाँ प्रविधिहरूलाई मुख्य आकर्षणको रूपमा प्रस्तुत गरिनेछ ।
प्रदर्शनीमा विभिन्न सरकारी, गैर–सरकारी तथा निर्माण व्यवसायी संस्थाहरू लगायत थुप्रै परामर्शदाताहरूद्वारा आ-आफ्नो विषयसँग सम्बन्धित सामग्रीहरू देखाइनेछ। शहरी विकास तथा भवन निर्माण विभागबाट स्वीकृत भएका घरको डिजाइन, नमुना र त्यसका लागि आवश्यक पर्ने प्रविधिहरू विशेष आकर्षणका रूपमा रहनेछन् ।
यसबाहेक सडक विभाग, खानेपानी, सरसफाइ तथा ढल निकास विभाग, सिँचाइ विभाग र स्थानीय पूर्वाधार विकास तथा कृषि सडक विभागबाट पनि सामग्रीहरू प्रदर्शनीमा राखिने छन् । विद्यार्थी स्तरमा इन्जिनियरिङसँग सम्बन्धित नमुना मोडल प्रतियोगिता, हाजिरीजवाफ प्रतियोगिता, सेमिनार, सफ्टवेयर प्रतियोगिता, कंक्रिट मिक्स डिजाइन प्रतियोगिता, फोटोग्राफी, चित्रकला प्रतियोगिता, विविध मनोरञ्जन लगायत अन्य थुप्रै जानकारीमूलक कार्यक्रमहरू प्रदर्शनीका आकर्षण हुनेछन् ।
वि.सं. २०६३ सालदेखि सुरू भएको यस प्रदर्शनी २०६३, ०६४, ०६५, ०६६, ०६८, ०७०, ०७२ र ०७३ गरी आठ पटक सफलतापूर्वक सम्पन्न भइसकेको छ । अघिल्लो वर्ष मात्रै करिब २० हजार भन्दा बढिको संख्यामा प्रदर्शनी अवलकोनकर्ताको उपस्थिति रहेको थियो। विगतका वर्षहरूमा जस्तै यस वर्ष पनि विज्ञ तथा विशिष्ट व्यक्तित्वहरूबाट थुप्रै जानकारीमूलक सामग्रीहरू प्रस्तुत हुनेछन् ।
प्रदर्शनीमा सहभागी हुने विद्यार्थीहरूले विभिन्न स्थानमा पुगेर सर्वसाधारणसँग प्रत्यक्ष भेटघाटका कार्यक्रम गर्ने, विभिन्न नाटक तथा नाच प्रस्तुत गर्ने गर्दछन् ।
प्रदर्शनीको भरपुर एवं भब्य प्रोमोशनका लागि पुल्चोकमा अध्ययनरत विद्यार्थीहरूले विभिन्न रमाइला प्रोमोशनल स्लोगनहरूको समेत रचना गर्दै प्रचार-प्रसारको नविनतम शैली अपनाएका छन्।
केही प्रतिनिधि स्लोगनहरू :-
१. सिभिल इन्जिनियरिङसँग सम्बन्धित सम्पुर्ण प्रविधि र प्राविधिक ज्ञानको प्रदर्शनी, यही माघ १५, १६ र १७ गते पुल्चोक क्याम्पसको एउटै छानामुनी।
२. समस्याको समाधान नेपालमा नै छ। यहाँ न सोचको कमि छ, न विचारको। कमी छ त केवल आँट, चहाना र अठोटको।
आउनुहोस् यहि माघ १५, १६, र १७ गते पुल्चोक क्याम्पस जाऔ। हामीसँग समस्या समाधानका धेरै मोडेलहरू छन्।
३. मानिस ठूलो जातले हैन ज्ञानले हुन्छ। त्यसैले माघ १५,१६ र १७ गते पुल्चोक क्याम्पस जाऔ। प्रविधिमा रमाऔ अनि प्राबिधिक ज्ञान कमाऔ।
४. तपाईले आर्जेको शिक्षाले तपाईको ज्ञानको मापन गर्दैन, तपाई आफ्नो शिक्षालाई ब्यवहारमा कतिको लागु गर्दै हुनुहुन्छ ? ब्यबहारिक शिक्षाको उच्चतम प्रयोग सहितको बृहत प्राविधिक प्रदशनी यहि माघ १५,१६ र १७ गते इन्जिनियरिङ अध्ययन संस्थान पुल्चोक क्याम्पसको प्राङ्गणमा। अवस्य पाल्नुहोला।
५. Where there is mind, there is possibilities.There is a dream of every Nepali to travel from East to West on a chhukchhuk chhukchhuk rail. And we are making models showing to live our dream.
I assure, this exhibition will build Nepal.
६. पानी शरिरमा १% कम हुँदा प्यास लाग्छ,
५% कमले थकान र लोसो महशुस गरिन्छ,
१०% कमले आँखा धमिलिन्छ र ताकत नै हुँदैन,
र २०% कम भए मरिन्छ।
तर,
पानी उपर्युक्त भए नि स्वच्छ नै छैन भने, त्यो झन् खतरनाक हुन्छ।
कसरी बनाइयो त मेलम्चीको पानी स्वच्छ ?
जानकारी यहि माघ १५,१६ र १७ गते पुल्चोकमा !!!

प्रतिक्रिया दिनुहोस्