ओलिभर स्कुल र शाखा डोजो शंखपार्कको संयुक्त आयोजनामा भएको प्रथम उपत्यकाब्यापी सितोरियो कराते प्रतियोगिता २०१८ को उपाधि सरस्वती डोजो जोरपाटी बेसीगाउँले जितेको छ।
शनिबार भएको उक्त प्रतियोगितामा विभिन्न १५ डोजोका २५० खेलाडीको सहभागीता रहेको थियो। टिम च्याम्पियन हुने क्रममा सरस्वतीका अजिब श्रेष्ठले २० किलो मुनि तर्फ स्वर्ण, त्यस्तै कुईसाङ लामाले ३०, अजय तामाङले ३५ प्रकाश माझी ४० र सुस्मिता वाईवाले ३० किलो मुनि स्वर्ण पदक जिते। एलोन श्रेष्ठ ५० किलो मुनि तर्फ रजत जिते। मिङमार लामा २५ किलो मुनि र बिकास कार्कीले ४० किलो मुनिको प्रतिस्प्रधामा कास्य कास्य पदक जित्न सफल भए।
५ स्वर्ण, १ रजत र २ कास्य पदक सहित सरस्वती डोजो प्रथम भयो । ४ स्वर्ण, ५ रजत र ५ कास्य सहित मानसिङ डोजो दोश्रो र ४ स्वर्ण, ५ रजत र ४ कास्य सहित मनमैजु डोजो टिम तृतीय हुन सफल भएका छन्।
