एजेन्सी। इन्डियन प्रिमियर लिग (आईपीएल) मा कोलकता नाइटराइडर्सले राजस्थान रोयल्सलाई ६० रनले पराजित गरेको छ। यूएईमा गएराति भएको खेलमा कोलकता नाइट राइडर्ससँग पराजित भएपछि राजस्थान प्ले अफ होडबाट बाहिरिएको छ ।
टस हारेर पहिले ब्याटिङ थालेको कोलकताले निर्धारित २० ओभरमा ७ विकेटको नोक्सानीमा १ सय ९१ रन बनायो । कोलकताका लागि इयान मोर्गनले कप्तानी पारी खेले ।
१ सय ९२ रनको लक्ष्यसहित जवाफी ब्याटिङ गरेको राजस्थानले २० ओभरमा नौ विकेट गुमाउँदै एक सय ३१ रन मात्रै बनायो ।
यो जितपछि कोलकता रन रेटका आधारमा शीर्ष चारमा पुगेको छ ।
प्रतिक्रिया दिनुहोस्