एजेन्सी। इन्डियन प्रिमियर लिग (आइपिएल) मा आज नेपाली स्पिनर सन्दिप लामिछाने सम्मिलित दिल्ली क्यापिटल्स र रोयल च्यालेन्जर्स बेंगलोरबीच भिडन्त हुँदैछ । खेल नेपाली समय अनुसार ७ः ४५ बाट सुरु हुनेछ ।
उपाधी दाबेदार दुवै टोली चौथो जित निकाल्दै शीर्षस्थानमा उक्लिने रणनीतिका साथ मैदान उत्रदैछ ।
श्रेयस ऐर दिल्ली र विराट कोहली बेंगलोरका कप्तान हुन् ।
सन्दिपको सम्भावना कति?
दिल्लीका प्रमुख स्पिन बलर अमित मिश्राले बेंगलोरविरुद्धको खेल गुमाउने भएका छन् । उनको स्थानमा अर्को स्पिन बलरले मौका पाउने छन् ।योसँगै नेपाली लेग स्पिनर सन्दीप लामिछानेको सम्भावना बढेको छ ।
रविचन्द्र अश्विन, अमित मिश्रा, अक्षर पटेल र सन्दीप लामिछानेजस्ता प्रमुख स्पिन दिल्ली क्यापिटल्ससँग रहेका छन् ।
प्रतिक्रिया दिनुहोस्