भारतीय टेलिभिजन स्टार प्लसबाट प्रसारण भएको शो ‘डान्स च्याम्पियन’ को विजेता आसामका १८ वर्षीय वीर राधा शेर्पाले जितेका छन । 
स्टार प्लसको चर्चित रियालिटी शो ‘डान्स च्याम्पियन’ जितेको खबर कार्यक्रम प्रशारण हुनुअघि नै बाहिरिएको हो । कार्यक्रम भने आइतबार मात्रै प्रशारण हुने भएको छ। 
पछिल्लो साता मात्र सलमान खान र कट्रिना कैफ गेस्टको रुपमा आउदा उनले ब्याटल जितेका थिए ।स्टार प्लसबाट प्रशारण भईरहेको यस शो मा रिमो डिसुजा र तेरेन्स लुइस निर्णायक थिए ।
नेपालीभाषी शेर्पाले जितेको यो रियालिटी शोको उत्कृष्ट १० मा एक नेपाली युवा सुशान्त खत्री पनि परेका थिए । उनी बाहेक फैजल खान, एमजे ५ समूह, वैष्णवी पाटिल र पियुष भगत पनि फाइनमा पुगेका थिए । शेर्पाले चार महिनाअघि डान्स प्लस थ्रीको उपाधि पनि जितेका थिए।
प्रतिक्रिया दिनुहोस्