नेपाली फिल्म उद्योगको लागी अनमोल केसी ब्राण्ड भइसकेका छन्। नेपाली फिल्म हेर्ने, जान्ने बुझ्ने सबैको लागी अनमोलको बारेमा धेरै कुरा बताइरहन पर्दैन। पछिल्लो समय नेपालमा कोहि कलाकारको स्टारडम बिक्छ भने त्यो स्टार अनमोल नै हुन्।
अभिनेता अनमोल केसीलाई केही समयअघि मात्रै ५० लाखको अफर आएको हल्ला थियो । उनलाई अभिनेत्री तथा निर्देशक झरना थापाले उनको आगामी सिनेमाको लागि ५० लाखको अफर गरेको चर्चा थियो । ५० लाखको प्रस्ताव भाइरल बन्दा पनि अनमोल भने केही पनि बोलेनन् ।
उता झरना थापाले भने यसको खण्डन गर्दै सामाजिक सञ्जालमा एक स्ट्याटस लेखेकी थिइन् । उनले अनमोललाई आफूले ५० लाखको अफर दिएको खबर गलत भएको खुलाएकी थिइन् ।
त्यसबखत चुप बसेका अनमोलले हालै मात्र सम्पन्न भएको ‘कृ’को ट्रेलर रिलिज कार्यक्रममा बोल्दै आफूलाई ५० लाखको अफर आएको खबर सही भएको बताएका छन् । तर उनले निर्माताको नाम भने लिएनन् । 
यस खबरबारे आफू मौन रहने गरेको र आफूलाई पारिश्रमिक भन्दा कामले प्रमाणित गर्न चाहेको अनमोलले बताए । उनले भने, ‘पैसा मेरा लागि कथा वस्तुभन्दा ठूलो होइन ।
यदि पैसाकै लागि फिल्म गर्ने भए बर्षमा मेरा एउटा मात्रै फिल्म हलमा आउँदैन थियो ।’उनले ‘कृ’का लागि झण्डै दुई वर्ष दिएका छन् ।धेरै समय लगाएर भए पनि राम्रो काम गरौँ भन्ने सोचेर नै यति लामो समय एउटै सिनेमाका लागि दिएको अनमोलको भनाई थियो ।
1.सिक्स प्याकमा अनमोलको एक्सन (भिडियो) 2.फिल्म ‘कृ’को ट्रेलरले युट्युवमा तहल्का,हेर्नुहोस् रेकर्डहरु
