एजेन्सी । संजय लीला भंसालीको आउँदै गरेको चलचित्र ‘गंगुबाइ काठियावाडी’ को घोषणा भएसँगै चर्चामा आएको छ । चलचित्रमा आलिया भाट प्रमुख भूमिकामा रहेकी छिन् ।
प्रस्तुत चलचित्रमा अजय देवगण र इमरान हाशमी पनि देखिने भारतीय मिडियाले बताएका छन् । यो पनि बताइएको छ की इमरानले लकडाउनभन्दा अगाडि नै धेरैजसो भागको छायांकन सकाइसकेका छन् । यद्यपि अजय देवगणको छायांकन भने बाँकी नै छ ।
इमरान हाशमी चलचित्रमा खलनायकको भूमिकामा देखिने छन् । चलचित्रमा इमरान खान आलिया भाटको श्रीमान बन्नेछन् ।
यो पनि बताइएको छ कि इमरान हाशमीको भूमिका पहिला कात्र्तिक आर्यनलाई दिइएको थियो । तर, उनले खलनायकको भूमिकामा देखिन अस्वीकार गरेपछि इमरान हाशमीले उक्त भूमिकाको लागि स्वीकार गरेका थिए ।
प्रस्तुत चलचित्रकाे कथा हुसैन जैदीको किताबमा आधारित रहेकाे छ । गंगुबाइ एक समयमा मुम्बइकी माफिया क्वीन थिइन् ।
