एजेन्सी । भारतमा कोरोना भाइरसबाट संक्रमित हुनेहरुको संख्या दिनप्रति दिन बढिरहेको छ । भारतमा बितेको २४ घण्टामा कोरोना भाइरसबाट ९,९९६ जना संक्रमित भएका छन् भने ३६७ जनाले ज्यान गुमाएका छन् ।
केन्द्रीय स्वास्थ्य मन्त्रालयका अनुसार भारतमा कोरोना भाइरसबाट संक्रमित हुनेहरुको संख्या २ लाख ८६ हजार ५७९ पुगेको छ । भारतमा हालसम्म ८,१०२ जनाले ज्यान गुमाइसकेका छन् ।
१ लाख ४१ हजारभन्दा धेरै मानिस निको भइसकेका छन् ।
भारतमा कोरोना भाइरसबाट सबैभन्दा धेरै प्रभावित महाराष्ट्र प्रदेश रहेको छ । महाराष्ट्रमा करिब ९५ हजार संक्रमित भइसकेका छन् ।
महाराष्ट्रपछि तमिलनाडु र दिल्ली बढी प्रभावित भएका छन् ।
प्रतिक्रिया दिनुहोस्