एजेन्सी। विश्वभर महामारीको रुपमा फैलिरहेको कोरोनाभाइरसले गर्दा विभिन्न मुलुकमा लकडाउन जारी रहेको छ। लकडाउनका बेलामा जनावरहरूको फरक रूप देख्न पाईरहेको बेला बेलायतमा भने ठूला मुसाहरूले आतंक मच्चाइरहेका छन् ।
यी मुसाहरू १८ इन्चसम्म लामा हुन्छन् । लकडाउनका बेलामा यिनीहरूको व्यवहार आक्रामक बनेको छ र संख्या पनि बढेको छ । विगत दुई महिनामा यी मुसाहरू भूमिगत नालीबाट निस्केर आवासीय क्षेत्रतिर जान थालेका छन् । भोकले आत्तिएर उनीहरू एकअर्कालाई खान थालेका छन् ।
विषको असर पनि उनीहरूमा परिरहेको छैन । विषप्रति उनीहरूले इम्युनिटी हासिल गरिसकेका छन् । खानेकुरा पाइने ठाउँमा लामो समयसम्म बन्द हुनुपरेकाले यी मुसाहरू क्रोधी भएका छन् ।
प्रतिक्रिया दिनुहोस्