२१ बैशाख, गुल्मी – बैशाख ३ गते घरबाट निस्केकी र अर्को दिन मृत अबस्थामा फेला परेकी गुल्मीकि एक युवतीको घटना प्रकरण थप रहस्यमय बन्दै गइरहेको छ । जिल्लाको मदाने गाउँपालिका वडा नम्बर ४ कि २३ वर्षिया मिना कुँवर बैशाख ४ गते सोही वडाको स्थानीय भिरमा मृत अवस्थामा फेला परेकी थिईन ।
प्रेम सम्बन्धका कारण हत्या भएको हुन सक्ने आशङ्कामा आफन्तजनले दिएको किटानी जाहेरीका आधारमा उनका प्रेमी भनिने मदाने गाउँपालिका ४ का २२ वर्षिय अनिल कुँवरलाई गत बैशाख ४ गते नै प्रहरीले पक्राउ गरेको थियो ।
त्यस्तै, घटनामा सम्लग्न भएको आरोपमा प्रहरीले एक महिला सहित थप दुई जनालाई पक्राउ गरेको छ ।
बैशाख १६ गते एकै दिन मदाने गाउँपालिका वडा नम्बर ६ पुर्कोट दहका २३ वर्षिय गोपाल जिसि र वडा नम्बर ४ कि १८ वर्षीया मिना कुँवरलाई पक्राउ गरि अनुसन्धान अघि बढाईएको जिल्ला प्रहरी कार्यालय गुल्मीले जानकारी दिएको छ ।
कानुनी प्रक्रिया अनुसार गुल्मी अदालतबाट म्याद थप गरि अनुसन्धानको प्रक्रिया अघि बढेको जिल्ला अदालत गुल्मीका श्रेस्तेदार भिम प्रसाद भुसालले सल्लेरी खबरलाई बताए ।
यो पनि पढ्नुहोस् : गुल्मी आत्महत्या प्रकरण: प्रेमी पक्राउ, घटना रहस्यमय बन्दै
खड्का सल्लेरी खबरका लुम्बिनी प्रदेश सम्बाददाता हुन् ।