ज्योति विकास बैङ्क कपुरकाेट शाखाले विपन्न बर्गलाई राहत दिने उद्देश्यले कपुरकाेट गाउँपालिका मार्फत ५० हजार बराबरको राहत सामाग्री उपलब्ध गराएको छ ।
बैङ्कले चामल ७५० केजी, दाल ५० केजी, तेल ५० लिटर र नुन ५० प्याकेट कपुरकाेट गाउँपालिकालाई हस्तान्तरण गरेको हो । गाउँपालिकाका अध्यक्ष भिम बहादुर सेनले उक्त राहत बुझेका छन् ।
विश्वभर महामारीको रूपमा फैलिएको कोरोना भाइरसका कारण सारा राष्ट्र नै लकडाउनको अवस्थामा भएको र यस्तो अवस्थामा देश भरका कलकारखाना , व्यापार सबै ठप्प भएको बेलामा दैनिक ज्याला मजदुरी गर्ने वर्गप्रति मध्यनजर गरी आफ्नो क्षेत्रबाट सक्दो राहत सामग्री प्रदान गरेको शाखा प्रबन्धक वीरेन्द्र बहादुर यडीले बताए ।
प्रतिक्रिया दिनुहोस्