२४ मंसिर, काठमाडौं । १३ औँ दक्षिण एशियाली खेलकुद प्रतियोगिता (साग) अन्तर्गत पुरुष फुटबलको फाइनल खेल आज हुँदैछ । दशरथ रंगशालमा खेल नेपाली समयअनुसार दिउँसो ३ः०० बजे शुरु हुनेछ ।
दुई पटकको स्वर्ण विजेता नेपालका लागि यो खेल निकै नै महत्वपूर्ण छ । एक त घरेलु दर्शक र मैदान हुने खेलमा आम नेपालीलाई जितको उपहार पस्कनु हुनेछ भने अर्कातर्फ लगातार फाइनलमा दोस्रो उपाधी आफ्नो पोल्टामा पार्ने अवसर पनि ।
भुटानका लागि त यो फाइनल नै ऐतिहासिक अवसर बनिसकेको छ । पहिलो पटक फाइनल खेल्न लागेको भुटानले दक्षिण एशियाका हस्तीहरु बंलादेश र श्रीलंकालाई पछि पारेर रजत पदक त पक्का गरिसकेको छ ।
प्रतिक्रिया दिनुहोस्