२ जेठ,पर्सा । पर्सामा सात केजी प्रतिबन्धित गाँजासहित एक भारतीयलाई प्रहरीले पक्राउ गरेको छ । पर्साको जिराभवानी गाउँपालिका वडा नम्बर १ स्थित ओरिया खोला किनारबाट बीआर २२ एम २३७९ नम्बरको मोटरसाइकलमा गाँजा लिएर भारत तर्फ जाँदै गरेको अवस्थामा पर्साको ग्रामीण इलाकामा खटेका प्रहरीले एक भारतीयलाई पक्राउ गरेको हो ।
पक्राउ पर्नेमा भारतको बिहार राज्य पश्चिम चम्पारण भागाहा बस्ने शुखराम महतो नुनिया रहेको पर्साका प्रहरी नायव उपरीक्षक अनन्तराम शर्माले बताए ।
मोटरसाइकलमा लागुऔषध गाँजा लिएर भाग्दै गरेको अवस्थामा प्रहरीले चेकजाँच गर्ने क्रममा अभियुक्त नुनिया पक्राउ गरिएको प्रहरी नायव उपरीक्षक शर्माले जानकारी दिए l पक्राउ परेका नुनियालाई लागुऔषध मुद्दामा कारबाही गरिरहेको जिल्ला प्रहरी कार्यालय पर्साले बताएका छन् ।
