१८ भदौ, बुटवल । भारतीय नम्बर प्लेटको जीपले ठक्कर दिँदा मोटरसाइकलमा सवार थारु दम्पत्तिको मृत्यु भएको छ । दुर्घटनामा परी मृत्यु हुनेमा रुपन्देहीको ओमसतिया गाउँपालिका वडा नंं ३ लालपुरका अन्दाजी ५८ वर्षका प्रेमजित थारु र उनकी श्रीमती ५६ वर्षकी बासमति थारुको रहेका छन् ।
प्रदेश ५ ट्राफिक प्रहरी कार्यालय बुटवलका अनुसार, बुटवल–भैरहवा सडक खण्डको अञ्चलपुरमा दुर्घटना भएको हो । भैरहवाबाट बुटवलतर्फ आउंदै गरेको लु २४ प २८३५ नम्बरको मोटरसाइकललाई सोही दिशातर्फ आउँदै गरेको यूपी १४ सीबी ००११ नम्बरको जीपले ठक्कर दिँदा थारु दम्पत्तिको मृत्यु भएको हो ।
मोटरसाइकललाई ठक्कर दिएर जीप चालक भाग्न खोजेका थिए । अहिले जीप र चालकलाई मंगलापुर प्रहरी चौकीले नियन्त्रणमा लिएको छ ।
प्रतिक्रिया दिनुहोस्