पछिल्लो समय बलिउडका चर्चित अनुहारहरू नेपाल आउने क्रम बाक्लो छ । केही समय अघि एक दिनको लागी मात्र बलिउड अभिनेत्री करिष्मा कपुर नेपाल आइपुगेकी थिइन् । यति बेला बलिउड अभिनेता अर्जुन कपुर सोमबार राजधानी काठमाडौं आइपुगेका छन् ।
उनी चलचित्र ‘इण्डियाज् मोस्ट वान्टेट’को सुटिङको लागी नेपाल आइपुगेका हुन् । सोमबार काठमाडौँ अवतरण गर्ना साथ अर्जुन पोखरा सुटिङको लागी पुगिसकेका छन् । चलचित्र इण्डियाज् मोस्ट वान्टेटमा अर्जुन एक प्रहरी अफिसरको भूमिकामा देखिन्दैछन् ।
यो चलचित्रलाई राजकुमार गुप्ताले निर्देशन गरिरहेका छन् । नेपाल र दिल्लीमा छायाङ्कन हुने यो चलचित्रको दिल्लीका सेड्युल सकिसकेको भारतीय मिडियाले उल्लेख गरेको छ । चलचित्र सुटिङको क्रममा अर्जुन कति समय नेपाल हुनेछन् त्यो भने खुलाइएको छैन ।
प्रतिक्रिया दिनुहोस्