तरकारीवालीको नामले चिनिएकी कुशुम श्रेष्ठको अभिनय रहेको चलचित्र ‘लम्फू’ प्रदर्शनमा आउने भएको छ । चलचित्र ‘लम्फू’ वैशाख २८ गते रिलिज हुने घोषणा गरिएको छ ।
कुशुमको अलवा कबिर नेपाल, सलोन बस्नेत, मरिश्का पोखरेल, चाँदनी शर्मा, सञ्जित भण्डारी, कुशाग्र भट्टराई लगायतको अभिनय चलचित्रमा देख्न सकिन्छ ।
छायांकनको लागि लामो समय लागेको यो चलचित्रबाट तरकारीवाली उर्फ कुशुमले अभिनयमा डेब्यु गरेकी हुन् । तरकारी बेच्न जाँदा तस्बिर भइरल भएपछि उनी संसारभर तरकारी वालीको रुपमा चिनिएकी थिइन् ।
‘लम्फू’ले एक युवाको जीवनमा आईपर्ने अकल्पनिय घटनाहरु प्रस्तुत गर्छ, जसमा प्रेमकथा गौण हुनेछ । फिल्मले समय र परिस्थितिले मानिसलाई नायक र खलनायक दुबै बनाउँछ भन्ने कुरा देखाउने निर्देशक गोपालचन्द्र लामिछानेले बताएका छन् ।
शक्ति बल्दब घोरासैनीले निर्माण गरेको चलचित्रमा भूपतिको लेखन, दीपक बज्राचार्यको छायांकन र हरि सिलवालको सम्पादन छ ।फिल्ममा भूपतिको लेखन रहेको छ । दिपक बज्राचार्यको छायांकन रहेको ‘लम्फू’मा अर्जुन पोखरेलको संगीत रहेको छ।
