१५ भदौ,काठमाडौं – नेपालको नम्बर एक टेलिभिजन रियालिटी शो ‘नेपाल आइडल’को आजको एपिसोडमा चर्चित नेपाली गायक राजेश पायल राई आउने भएका छन।एपीवान टेलिभिजनबाट प्रसारण भइरहेको रियालिटी शोका आयोजकका अनुसार आज ‘राई इज किङ’ भनेर चिनिएका राई आउने भएका हुन् ।उनी अतिथी निर्णायकका रुपमा आउन लागेका हुन।
(तस्विर: नेपाल आइडलकोवेबसाईटबाट)
आइडलको आजको एपिसोड आज राति ८ः४५ बजे प्रसारण हुँदै छ र आजको एपिसोडमा ‘टप ४’ प्रतिस्पर्धीले प्रस्तुती दिनेछन् । आइडलको ‘टप ४’ मा पोखराका बुद्ध लामा, मोरङका निशान भट्टराई, ललितपुरका प्रताप दास र चितवनका सागर आले छन् ।
असोज ६ गते कतारको दोहामा आइडलको फिनाले हुँदै छ । टाइटल विजेताले महिन्द्राको ‘केयूभी १००’ मोडलको गाडी र २० लाख नगद प्राप्त गर्ने छन्। यस्तै दोस्रो हुनेले १५ लाख र तेस्रो हुनेले १० लाख नगद प्राप्त गर्ने आयोजकले जनाएको छ ।
यसका लागि आजको प्रस्तुति पछि प्राप्त हुने भोटका आधारमा सबैभन्दा कम भोट ल्याउने एक प्रतिस्पर्धी भोली (शुक्रबार) आइडलबाट बाहिरिने छन् । बाँकी तीन प्रतिस्पर्धीबाट एक जनाले आइडलको टाइटल जित्ने छन् ।
