१९ असार, धादिङ। धादिङको ज्वालामुखी गाउँपालिका-६ काउलेडाँडामा सवारी दुर्घटना हुँदा १ जनाको मृत्यु भएको छ भने ३ जना घाइते भएका छन् ।
मृत्यु हुनेमा सोही स्थानका ३६ वर्षीय कृष्ण रम्तेल रहेका छन् । धादिङबेशीबाट ढकाल गाउँतर्फ जाँदै गरेको मिनी ट्रक उकालो कच्ची सडक चढ्ने क्रममा ब्रेक फेल भइ सडकको भित्तामा ठोकिएर दुर्घटना भएको हो ।
दुर्घटनामा परि घाइतेहुनेहरु बिनु सुनार, उनकी २ वर्षीया छोरी कपिज सुनार र दिवाकर ढकालको जिल्ला अस्पताल धादिङमा उपचार भइहेको जिल्ला प्रहरी कार्यालय धादिङले जानकारी दिएको छ ।
प्रतिक्रिया दिनुहोस्