१७ असार, स्याङ्ज l स्याङ्जमा स्कुटर दुर्घटना हुँदा एकको मृत्यु भएको छ भने एक जना घाइते भएका छन् l
मृत्यु हुनेमा २३ वर्षीया कोसिन्दर क्षेत्री रहेका छन् भने घाइते हुनेमा २१ वर्षीय राजेश केसी रहेका छन् l भीरकोट नगरपालिका १ लामाचौरमा स्कुटर दुर्घटना हुँदा क्षेत्रीको मृत्यु भएको भएको हो l
वालिङबाट राङ्खोलातर्फ आइरहेको ग.१६प ९१२४ नम्बरको स्कुटर अनियन्त्रित हुँदा गत साँझ पुतलीबजार नगरपालिका १३ का केसी र उनको पछाडि सवार क्षेत्री घाइते भएका थिए ।
घाइते दुवैको कालिका सामुदायिक हस्पिटल हेलुमा प्राथमिक उपचार गरे पश्चात् थप उपचारका क्रममा पोखरा पठाइएको थियो । गम्भीर घाइते क्षेत्रीको गण्डकी मेडिकल कलेज पोखरामा उपचारकै क्रममा मृत्यु भएको छ भने अर्को घाइते केसीको मणिपाल शिक्षण अस्पताल पोखरामा उपचार भइरहेको प्रहरी नायब उपरीक्षक नविनकृष्ण भण्डारीले जानकारी दिए।
