२६ वैशाख, बैतडी । बैतडीको डिलाशैनी गाउँपालिकामा जीपले ठक्कर दिँदा एक बालकको ज्यान गएको छ । बिहिबार साढे तीन बजेतिर सडक नजिकै खेलिरहेका ३ बर्षीय युुकेश साउदलाई गोकुलेश्वरबाट सतबाँझतर्फ आउँदै गरेको से १ ज ६०३ नम्बरको जीपले ठक्कर दिँदा मृत्यु भएको हो ।
गम्भीर घाइते भएका बालकको उपचार क्रममा गोकुलेश्वर अस्पतालमा ज्यान गएको जिल्ला प्रहरी कार्यालयका प्रवक्ता एवं प्रहरी निरीक्षक दीपक पातलीले जानकारी दिए । बालकलाई ठक्कर दिएर भाग्दै गरेका जीप चालक विक्रम बिष्टलाई प्रहरीले नियन्त्रणमा लिइएको प्रहरी निरीक्षक पातलीले बताए ।
अहिले दोषीलाई कारवाहीको माग राख्दै स्थानीयहरुले महाकाली राजमार्गको सतबाँझ गोकुलेश्वर सडकखण्ड अन्तर्गत बांगाबगरमा सडक अवरुद्ध गरेका छन् ।
प्रतिक्रिया दिनुहोस्