ललितपुरको नयाँबाटोमा जनक शिक्षा सामग्री केन्द्र लिमिटेडको ट्रकले किचेर दुई जनाको मृत्यु भएको छ। मध्याह्न एकान्तकुनाबाट आएर सानेपातिर गइरहेको जनक शिक्षाको ना १ घ ५३३ नम्बरको ट्रकले तरकारी बोक्ने बा७च २१३१ नम्बरको भ्यानलाई किचेको हो ।
भ्यानमा रहेका तीन जना मध्ये २ को मृत्यु भइसकेको छ भने १ जना घाइते अवस्थामा उपचाररत छन् । प्रहरीका अनुसार भ्यानमा आमाछोरी र चालक रहेका थिए । चालक र एक महिलाको मृत्यु भएको र युवती भने घाइते अवस्थामा रहेको प्रहरीले जानकारी दिएकोे छ ।
बाटो काटी रहेको स्कुटरलाई साइड दिँदा जनक शिक्षा सामग्री केन्द्र लिमिटेडको ट्रक असन्तुलित भई तरकारी बोक्ने भ्यान किच्न पुगेको हो ।
ट्रकका चालक फरार भएका प्रत्यक्षदर्शीले जनाएका छन् । घटनाबारे थप जानकारी आउँन बाँकी छ ।
प्रतिक्रिया दिनुहोस्