नायक अनमोल केसी र नव–नायिका सुहाना थापा अभिनीत चलचित्र ‘ए मेरो हजुर ३’को पोस्टर सार्वजनिक भएको छ । सार्वजनिक भएका दुई पोष्टरमा नायक अनमोल केसी र डेब्यु नायिका सुहाना थापालाई देख्न सकिन्छ ।
चैत्त २९ गते रिलिज मिति तय गरिएको चलचित्रको पहिलो पोस्टरमा अनमोल फरक अवतारमा देखिएका छन् । गितार बोकेका अनमोलको साथमा सुहाना इनोसेन्ट देखिएकी छिन् । श्रीधर पौडेलको फोटोग्राफी रहेको उक्त पोस्टर टौवा क्रियसनले डिजाइन गरेको हो ।
‘ए मेरो हजुर ३’लाई अभिनेत्री झरना थापाले निर्देशन गर्दैछिन् । सुनिलकुमार थापाको निर्माण रहेको चलचित्रमा अनमोल र सुहानाको साथमा सलोन बस्नेत र अर्पण थापा लगायतका कलाकारको अभिनय रहने छ । म्युजिकल लभस्टोरीमा बन्न लागेको चलचित्रको यतिबेला सुटिङ भइरहेको छ । अनमोलको यो वर्ष ए मेरो हजुर ३ र क्याप्टेन रिलिज हुदैँछ । फर्स्ट लुक पोस्टर सार्वजनिक भएसँगै फिल्मको औपचारिक छायांकन समेत सुरु भएको छ । फिल्म चैत्र २९ गते देखि प्रदर्शनमा आउने छ ।
