क्यारेबियन प्रिमियर लिग क्रिकेट अन्तरगत आज बिहान भएको खेल मा पाकिस्तानी बलर मोहम्मद इर्फानले टी ट्वान्टी क्रिकेटमा सबैभन्दा कम रन दिने इतिहास रचेका छन् ।
उनले यो इतिहास नेपालि बलर सन्दीप लामिछाने आबद्द भएका टिम सेन्ट किट्स एण्ड नेभिस प्याटि्रयोसविरुद्ध बनाएका हुन् ।
इनिङको पहिलो ओभरको पहिलो बलमानै क्रिस गेललाई आउट गरेका उनले आफ्नो दोस्रो ओभरको चौथो बलमा लेविसलाई आउट बनाए ।
पहिलो, दोस्रो र तेस्रो ओभर नै मेडन गरेका उनले चौथो ओभरको अन्तिम बलमा भने एक रन खर्चिन पुगे । आउट साइड अफमा फालेको अन्तिम सट बलमा किङले मिड विकेटमा खेल्दै एक रन निकालेका थिए ।
इर्फानको किफायती बलिङका बाबजुद पनि बार्बाडसले हार टार्न सकेन सेन्ट किट्स एण्ड नेभिस प्याटि्रयोस विरुद्ध ६ विकेटले पराजित भयो । पहिले ब्याटिङ गरेको बार्बाडसले निर्धारित २० ओभरमा ६ विकेट गुमाएर १ सय ४७ रन बनाएको थियो ।
जवाफी ब्याटिङमा उत्रेको प्याटि्रयोसले १८ ओभर ५ बलमा लक्ष्य पूरा गरेको थियो । क्यारेबियन प्रिमियर लिगमा बार्बाडस अंक तालिकाको पाँचौ स्थानमा छ भने प्याटि्रयोस दोस्रो स्थानमा रहेको छ ।
उक्त खेलमा नेपालि बलर सन्दीप लामिछाने ले भने कुनै विकेट लिन सकेन यस भन्दा अघिका खेलामा उत्कृष्ठ प्रदर्शन गरेका लामिछानेले आफ्नो अन्तिम खेलमा भने चुके ।
