शिक्षा क्षेत्रमा एक अग्रणी स्थान ओगट्न सफल लिभरपुल इन्टरनेशनल कलेजका पूर्व विद्यार्थीहरुको भेलाले लिभरपुरल कलेज एल्मुनाई एसोसिएशन कमिटीको गठन गर्दै अध्यक्षमा अभिषेक तिवारीलाई चयन गरेको छ ।
नयाँ बानेश्वरमा भएको सो भेलाले तिवारीको अध्यक्षतामा २५ सदस्यीय कमिटी गठन गरेको छ । त्यस्तै उपाध्यक्षमा भुमिका पोख्रेल, सचिवमा बिपुल पौडेल, सहसचिवमा मुस्कान प्रसाई र कोषाध्यक्षमा निस्मा दुलाल रहेका छन् ।
तिवारीले अध्यक्षमा चयन भएपछी सबैलाई समेटेर अधि बढ्ने बताएका छन् । उनले विभिन्न क्षेत्रमा अध्ययन गरिरहेका र बिदेशमा समेत रहेका बिद्यार्थीहरुलाई एउटै छाता मुनि ल्याई एकताबद्ध भएर सामाजिक सेवा र देश बिकासमा लाग्ने बताएका छन् ।
भेलाको सभापति कलेजका सहायक पिन्सिपल डा. भगवान सुवेदीले गरेका थिए भने प्रमुख अतिथि कलेजका प्रबन्ध निर्देशक जयराम थापा रहेका थिए ।
कार्यक्रममा वोल्दै प्रमुख अतिथि थापाले एल्मुनाईको आवश्यकता र त्यसको महत्वको वारेमा प्रष्ट पारेका थिए ।
