एजेन्सी । सेनेगल अफ्रिकन कप अफ नेसन्सको फाइनलमा पुगेको छ । क्यामरुनमा गएराति भएको पहिलो सेमिफाइनलमा बुर्किना फासोलाई ३-१ ले हराउँदै सेनेगलले फाइनलमा स्थान बनाएको हो ।
सेनेगललाई जित दिलाउन अब्डोउ डियालो, इद्रिसा गाना गुए र साडियो मानेले गोल गरे । बुर्किना फासोका इब्राहिम ब्लाटी टोरेले एक गोल फर्काए ।
अब सेनेगलले उपाधिका लागि घरेलु टोली क्यामरुन र इजिप्टबीच हुने दोस्रो सेमिफाइनलको विजेतासँग प्रतिस्पर्धा गर्नेछ।
प्रतिक्रिया दिनुहोस्