२ असोज, काठमाडाैँ – नेपाल कम्युनिस्ट पार्टी (नेकपा) का उपाध्यक्ष बामदेव गाैतमले भेटघाट बन्द गरेका छन् ।
हालै राष्ट्रिय सभामा मनोनित भएका वामदेव गौतमले कोभिड १९ का कारण केही दिनलाई प्रत्यक्ष भेटघाट नगर्ने भएका हुन् ।
बधाई तथा शुभकामना दिनेप्रति कृतज्ञता व्यक्त गर्दै गौतमले केही दिनलाई प्रत्यक्ष भेटघाट रोकेको गौतमको सचिवालयले शुक्रबार एक प्रेस विज्ञप्ति मार्फत जानकारी गराएको छ ।
‘यहाँहरुले सामाजिक सन्जालमार्फत दिनुभएको बधाई शुभकामना स्वीकार गर्ने गरि हाल कोभिड–१९ को संक्रमणलाई ध्यान राख्दै उहाँको सचिवालयमा केही दिनलाइ प्रत्यक्ष भेटघाट रोकेको बेहोरा जानकारी गराउँदछु’ गौतमका स्वकीय सचिव दिपक टमाटाले जारी गरेको विज्ञप्तिमा उल्लेख गरिएको छ ।
प्रतिक्रिया दिनुहोस्